Соцфондго жарандар кайсы суроолор менен көп кайрылышат? Мекеменин маалыматы

Социалдык фонддун Коомчулук менен иш алып баруу башкармалыгына ушул жылдын январь-февраль айларында жалпы 627 кайрылуу келип түштү. Бул туурасында мекеменин маалыматында жазылат.

Анын ичинде:

жазуу түрүндөгү кайрылуулар – 39;
ооз эки кайрылуулар – 93;
Соцфондунун жетекчилиги тарабынан кабыл алынган жарандар – 11;
ишеним телефону аркылуу – 317;
мобилдик ишеним телефону аркылуу – 167.

Төмөнкү маселелер боюнча кайрылуулар түшкөн:

пенсиялардын өлчөмдөрүн жогорулатуу жана көбөйтүү тууралуу;
мамлекеттик социалдык камсыздандыруу боюнча суроолор;
пенсияга укук алуу тууралуу;
пенсияларды дайындоо, төлөө жана туура эсептөө жөнүндө;
пенсияларды кайра эсептөө боюнча;
мамлекеттик топтоо пенсиялык фондунан (МТПФ) каражаттарды төлөө тартиби тууралуу, иштеп жаткан пенсионерлерге жана өлкөдөн тышкары туруктуу жашоого чыгып кеткен жарандарга карата;
Социалдык фонддун ишмердүүлүгүнө байланышкан башка суроолор.

Соцфонддон жарандар тарабынан берилген бардык суроолорго жеткиликтүү жооптор берилгенин маалымдашты.