Ош шаарындагы бир көчөгө акын Жолболду Алыбаевдин ысымы берилди 

Ош шаарында Кыргыз Республикасынын Эл артисти, дастанчы, обончу, аткаруучу, кыргыздын залкар акыны Жолболду Алыбаевдин "Дана кыз" аттуу китебинин бет ачары болуп өттү. Бул туурасында кечээ, 26-мартта мэриядан кабарлашты.

Маалымдалгандай, иш-чарага мэр Жеңишбек Токторбаев катышып, залкарга куттук сөздөрүн айтып, белектерин тапшырды. Ошондой эле мэриянын сунушунун негизинде, шаардык кеңештин токтому менен Керме-Тоо муниципалдык аймактык башкармалыгындагы №15 көчөгө Жолболду Алыбаевдин ысымы ыйгарылгандыгын билдирди.

Иш-чаранын алкагында акындын эмгек жолуна арналган видеотасма көрсөтүлүп, манасчылардын жана ырчылардын коштоосунда концерттик программа тартууланды.