"Керемет!" UWW Айпери Медет кызынын финалдагы укмуштуудай жеңишине реакция кылды

Дүйнөлүк күрөш уюму (UWW) кыргыз балбаны Айпери Медет кызынын Азия чемпиондугунун финалындагы укмуштуудай камбэгине реакция кылды.

"Айпери Медет кызы өзүнүн Азия чемпиону наамын сактап калуу үчүн керемет камбэкти жасады", - деп жазды UWW.

Айпери Медет кызы Иорданиянын Амман шаарында өтүп жаткан күрөш боюнча Азия чемпиондугунун финалында индиялык балбан менен кез келген. Анда кыргыз балбаны беттеш бүтөрүнө 10 секунд калганда 6:2 эсебинде утулуп жатып, 2 секунд калганда эсеп санын 6:6 кылып, акыркы болуп ыкма жасаганы үчүн жеңишти камсыздаган.

Муну менен Айпери Медет кызы үчүнчү ирет Азия чемпиону болду.