“Бишкек суу канал” муниципалдык ишканасынын мурунку директору кайра башчы болуп келди

Бишкек шаарынын мэриясында кадрдык өзгөрүүлөр болуп, Чыңгыз Жумалиев “Бишкек суу канал” муниципалдык ишканасынын директору болуп дайындалды. Бул туурасында кечээ, 27-мартта мэриянын маалымат кызматы билдирди.

Маалымдалгандай, тиешелүү буйрукка мэр Айбек Жунушалиев кол койду.

Ал эми Чыңгыз Жумалиев 2024-жылдын январынан сентябрына чейин аталган муниципалитеттин жетекчиси болуп турган. 2-ноябрда "Жаңы күч – Новая сила" партиясынан шаардык кеңешке депутат болуп барган. Кечээ, 27-мартта Борбордук шайлоо комиссиясы анын ыйгарым укуктарын мөөнөтүнөн мурда токтотуп, мандат кийинки кезектеги Алмазбек Улугбековго берилген.