"Болбой жатат". Трамп Вашингтонду өзгөртүүнү каалайт

АКШнын президенти Дональд Трамп өлкөсүнүн борбору Вашингтонду коопсуз шаар кылуу буйругуна кол койду. Чет элдик басылмалар тийиштүү жарлык Ак үйдүн сайтына жарыяланганын жазууда.

"Американын борбору ар бир тургун жана турист өзүн ар дайым коопсуз сезе турган шаар болушу керек. Магистралдар, бульварлар жана парктар таза жана жагымдуу болушу кажет... Биздин өлкөнүн борбору баарыбызга таандык бир шаар. Америка эли үчүн сыймык жана мамлекеттик кызматкерлер үчүн өз иштерин аткара турган коопсуз жай болушу керек. Бүгүнкү күндө ийгиликсиз саясаттан улам андай болбой жатат", - деп айтылат жарлыкта.

Документте Вашингтонду кооз кылуу зарылдыгы баса белгиленген. Андыктан бул боюнча иш бир нече ведомстволорго тапшырылган.