Ак үй Путиндин Украина боюнча айткан сунушуна жооп кылды

АКШнын Улуттук коопсуздук кеңешинин өкүлү Reuters агенитигине Орусиянын президенти Владимир Путиндин сунушу боюнча пикирин билдирди.

Анда ал "Украинанын башкаруу системасы анын Конституциясы жана эли тарабынан аныкталат" деген. Агенттик бирок расмийдин атын ачыктаган жок.

Буга чейин Путин Украинада шайлоо өткөрүү үчүн убактылуу тышкы башкаруу киргизүүнү сунуштап, муну БУУ, АКШ керек болсо Батыштын кээ бир өлкөлөрү менен бирге талкуулап көрсө болорун айткан.