Кара-Сууда 15 жаштагы өспүрүм асынган абалда табылды

Ош облусунун Баш-Булак айылында 15 жаштагы өспүрүм асынып каза болду. Бул туурасында Ош ОИИБинин маалымат кызматы билдирди.

Маалымдалгандай, окуя 29-мартта катталып, милицияга 2009-жылы туулган М.А. аттуу айылдын тургуну асынып каза болгондугу тууралуу маалымат түшкөн.

"Бул факты каттоого алынып, окуя болгон жерге ыкчам-тергөө тобу чыгып, тергөөгө чейинки текшерүү иштери башталган. Окуя боюнча күбөлөр суралып, маркумдун жансыз денесине сырттан кароо жүргүзүлүп, эч кандай жаракаттар байкалган эмес. Маркумдун ата-энеси жана жакын туугандары эч кимге арыз-доосу жоктугун билдиришип, соттук-медициналык экспертизадан өткөрүүдөн баш тартышкан. Маркум Ош шаарындагы коллеждин студенти болгон", - деп айтылат маалыматта.

Учурда тергөөгө чейинки текшерүү иштери уланууда.