Зеленский Путин согушту улантууну каалап жатканын билдирди 

Орусиянын президенти Владимир Путин Украинага каршы согушту токтотуунун ордуна аны улантуу үчүн мүмкүнчүлүктөрдү издеп жатат. Бул тууралуу кечээ, 6-апрелде Украинанын президенти Владимир Зеленский украиналыктарга кайрылып жатып билдирген.

"Орусиянын бүгүнкү соккусуна Кара деңизден учурулган ракеталар кирди. Орусия эч кандай шартсыз ок атышпоо келишимине макул болбой жатканынын себептеринин бири – алар биздин шаарларга, портторубузга деңизден кол салуу мүмкүнчүлүгүн сактап калгысы келет.

Путин согушту бүтүргүсү келбейт. Ал чоң күч менен кагылышууну кантип сактап калуунун жолдорун издеп жатат. Мына ошондуктан Орусияга кысым көрсөтүүнүн бардык түрлөрү учурда зарыл. Өзүбүздү коргоо жөндөмүбүздү бекемдөө, санкцияларды жана дипломатияны сактоо, Москва менен ушундай сүйлөшүү аларга мүмкүнчүлүк калтырбайт", - деген Зеленский.

Ошондой эле ал Украина АКШнын толук жана шартсыз ок атышууну токтотуу сунушуна макул болгонун кошумчалаган.