Кыргызстан эки өлкө менен чогуу Азия Кубогун өткөрүү үчүн АФКга арыз берди

Кыргызстан коңшу өлкөлөр Тажикстан жана Өзбекстан менен чогуу 2031-жылы өтө турган футбол боюнча Азия Кубогун кабыл алууга арыз берди. Бул тууралуу Кыргыз футбол биримдиги кабарлады.

Маалыматка ылайык, Кыргыз футбол биримдиги 2031-жылы өтө турган футбол боюнча Азия Кубогун Тажикстан жана Өзбекстан менен чогуу кабыл алуу үчүн АФКга кат жолдогон. Өтүнмө эми каралат.

АФК 2031-жылы Азия Кубогунун финалдык бөлүгүн өткөрүүгө жети өлкөдөн расмий өтүнмө алынганын баса белгиледи.

Турнирди өткөрүүгө кызыкдар болгон төмөнкү футбол ассоциациялары өтүнмө тапшырды: - Австралиянын футбол федерациясы;

- Индиянын футбол федерациясы;

- Индонезиянын футбол ассоциациясы;

- Корея Республикасынын футбол ассоциациясы;

- Кувейттин футбол ассоциациясы;

Бириккен Араб Эмираттарынын футбол ассоциациясы;

- Биргелешкен өтүнмө: Кыргыз футбол биримдиги, Тажикстандын футбол федерациясы жана Өзбекстандын футбол ассоциациясы.