103кө чыкмак экен... Чолпонбай Түлөбердиев эскерилди (видео)

Бүгүн, 13-апрелде Улуу Ата Мекендик согуштун баатыры Чолпонбай Түлөбердиевдин туулган күнүнө арналган эскерүү иш-чарасы болуп өттү. Бул тууралуу Коргоо министрлиги кабарлады.

Маалыматка ылайык, иш-чарага өлкөнүн Куралдуу күчтөрүнүн ардагерлери, Жогорку Кеңештин депутаттары, мектеп окуучулары, коомдук ишмерлер жана аскер кызматчылар катышкан. Алгач анын жаркын элесин эскерүү максатында бир мүнөттүк эскерүү жарыяланып, андан кийин асманга ок атылган.

Министрлик эгер ал тирүү болгондо быйыл 103 жашка толмоктугун белгиледи.