"Унааларды агызып, жолдор бузулуп". Көк-Серекте жаандан кийин катуу сел жүрдү (видео)

Жалал-Абад облусуна караштуу Ала-Бука районунун Көк-Серек айылында сел жүрүп, унааларды агызып кеткен.

Жаратылыш кырсыгы учурунда тартылган видео социалдык баракчаларда тарап, анда 2-3 унаанын сел суусу менен агып бара жатканын көрүүгө болот. Ошондой эле асфальт жолдор жарылып, көпүрөлөр жараксыз абалга келген.

Ал эми тийиштүү кызматтар бул боюнча азырынча расмий маалымат берише элек.