Өлкөдө чет элдик номурдагы унааларды каттоо эрежелери өзгөрдү

Кыргызстанда чет элдик номурдагы унааларды каттоо эрежелери өзгөрдү. Бул туурасында президенттик администрациядан билдирди.

Маалымдалгандай, Министрлер кабинетинин төрагасы Адылбек Касымалиев унааларды легалдаштыруунун убактылуу тартибине өзгөртүүлөрдү киргизди.

Мындан ары:

• Чек арадан өткөнү тууралуу маалымдама талап кылынбайт;

• СБКТС (коопсуздук тууралуу күбөлүк) жоюлду — эми техкароодон өтүп, коопсуздук боюнча корутунду алуу жетиштүү;

• Легалдаштыруу үчүн төлөм: 2000 куб сантиметрге чейин — 50 миң сом, 2001 куб сантиметрге жана андан жогору — 100 миң сом;

1-апрелден 1-октябрга чейин чет элдик номер менен жүргөн унааларды легалдаштыруу жүрүп жатат.

Бул:

2024-жылдын 31-декабрына чейин Кыргызстанга кирген унаалар;
Документтери жок, бажыдан өтпөгөн унааларга тиешелүү;
Легалдаштырылган унааларга 10-региондун номери берилет. Бирок сатууга, өлкөдөн чыгарууга жана такси катары колдонууга тыюу салынат.

Белгилей кетсек, мыйзамдаштыруу президент Садыр Жапаровдун кол койгон жарлыгына ылайык жүргүзүлүүдө.