Жылдыз Жолдошова камактагы "ата журтчу" депутаттардын кармалышынын мыйзамдуулугун иликтеген комиссия түзүүнү сунуштады

"Ар-намыс" фракциясынын жыйынында депутат Жылдыз Жолдошова камакта отурган "ата журтчу" депутаттарды кармоонун мыйзамдуулугун иликтеген комиссия түзүүнү сунуштады. Анын айтымында, камактагы 3 депутаттын баш коргоо чарасын өзгөртүп, өлкөдөн сыртка чыкпоо чечимин кабыл алыш керек. Жолдошова ошондой эле Камчыбек Ташиевдин ден соолугу начар экенин айтып, "Ташиевге тез арада медициналык жардам көрсөтүлүшү зарыл" деди. Анан да "Ар-намыс" фракциясынын депутаттарын аталган маселе боюнча колдоо көрсөтүүгө чакырды.