Испанияда өлдү делген аял көмгөнү жатканда колунун манжаларын кыймылдатты

Испанияда ооруканада дарыгерлер каза болду деген аялдын көмүлгөнү жатканда тирүү экени аныкталды. Бул тууралуу чет элдик басылмалар жазышты.

Маалыматка ылайык, аялды дарыгерлер каза болду деп өлүкканага жөнөтүшкөн. Ал жерден аны көмүү үчүн мүрзөгө алып барып, көмгөнү жатканда ал манжаларын кыймылдаткан. Мүрзөнүн кызматкерлери анын тамыры согуп жатканын байкап, аялды дароо ооруканага жеткиришкен.

Учурда полиция бул факты боюнча дарыгерлерди иликтей баштады. Аялдын андан аркы тагдыры эмне болгону белгисиз.