Саламаттыкты сактоо министрлигине жаңы орун басар келди

Бүгүн, 30-апрелде саламаттыкты сактоо министринин санариптик өнүктүрүү багыты боюнча жаңы орун басары Нургүл Аднаева жамаатка тааныштырылды. Бул туурасында мекеменин маалымат кызматы билдирди.

Иш-чарага Саламаттыкты сактоо министри Эркин Чечейбаев катышып, алдыда жемиштүү кызматташууга жана демилгелер менен долбоорлорду биргелешип ийгиликтүү ишке ашырууга ишенимин билдирди.

Айта кетсек, буга чейин бул кызматты Бакыт Жангазиев ээлеп келген.