Путин 3 жылдан бери түнүнүн көбүн өткөргөн Кремлдеги батирин көрсөттү (видео)

Орусиянын президенти Владимир Путин акыркы 3 жылда түнүнүн көбүн Кремлде өткөргөнүн моюнуна алып, ал жактагы батирин көрсөттү. Анын батири орус журналисти Павел Зарубин Telegram каналына жайгаштырган мамлекет башчысы тууралуу даректүү тасмада көрсөтүлдү.

Видеодо тасма тартуучу топ Кремль батиринин бөлмөлөрүн көрсөтүп жаткан Путинди артынан ээрчийт. Анын бөлмөсүнөн күзгү менен ак дубалдарды жана император Александр IIIтүн портретин көрүүгө болот. Терезенин жанында ак пианино турат, аны Путин ойной алат, бирок өзү айткандай, кээде гана аны ойноого убакыт табат.

Путин ошондой эле журналисттерди кара жыгач менен жасалгаланган Кремлдеги китепканага дагы алып барган.