Трамп Гренландияга аскер жөнөтөрүн кыйытты

АКШнын президенти Дональд Трамп зарыл болгон учурда Гренландияны көзөмөлгө алуу үчүн америкалык аскерлерди жөнөтөрүн айтты.

"Мен муну жокко чыгарбайм. Аны жасайм деп да айтпайм. Бирок бул кырдаалда эч нерсени жокко чыгарбайм", - деген ал NBC News телеканалына берген маегинде.

Трамп Гренландия АКШга эл аралык коопсуздук үчүн абдан керек экенин баса белгилеген.

Буга чейин АКШ лидери Даниянын курамындагы аралды Кошмо Штаттарга кошуу керектигин бир нече ирет айткан.