Мексикада кыргызстандык жаран каза болду

Тышкы иштер министрлиги Мексиканын Мехико шаарында Б.Р. аттуу Кыргыз жараны каза болгондугун кабарлады.

Алдын ала берилген маалыматтарга таянсак, мекендешибиз жүрөк оорусунан улам көз жумган.

Учурда маркумдун сөөгүн Кыргызстанга жеткирүү жана анын жакындарына керектүү жардамды көрсөтүү боюнча тиешелүү иш-чаралар жүргүзүлүүдө.

Кыргызстандын АКШдагы элчилиги маркумдун жакын туугандары менен үзгүлтүксүз байланышта болуп, бул маселени өзгөчө көзөмөлдөп жатат деп айтылды.