Аномалдуу ысыктан кантип сактануу зарыл?

Кыргызстандын аймагында 16-17-май күндөрү ысык аба ырайы күтүлүүдө. Бул күндөрү Чүй, Ош, Жалал-Абад, Баткен облустарынын өрөөндөрүндө күндүн табы +35...+40 градуска чейин жетет. Буга байланыштуу Саламаттыкты сактоо министрлиги жарандарга аномалдуу ысыктан коргонуу эрежелерин сунуштады.

Министрлик кыргызстандыктарды бул күндөрү саат 11:00–16:00 аралыгында күндүн нурунан оолак болууга чакырды. Мындан сырткары:

• Жеңил, табигый материалдан тигилген кийим, баш кийим кийиңиз;
• Кыймылды азайтыңыз;
• Суюктукту көбүрөөк ичиңиз (муздак эмес);
• Жемиш-жашылчаларды көбүрөөк жеңиз;
• Кондиционер/вентилятор колдонуңуз (түз багытта эмес);
• Сууга чайканып же суу сүлгү менен денеңизди сүртүңүз;
• Кан басымыңызды жана кандагы кант деңгээлин текшериңиз (дарыңызды унутпаңыз);
• Балдарга арык же фонтан суусун ичпөөнү түшүндүрүү керек;
• Өзүңүздү жаман сезсеңиз — дароо дарыгерге кайрылыңыз.