Кыргызстандык окуучулардын командасы эл аралык олимпиадада биринчи орунду ээледи

Кыргызстандык окуучулардын командасы биология боюнча Open International Biology Olympiad (OIBO 2025) аттуу эл аралык олимпиадада биринчи орунду ээледи. Бул тууралуу Билим берүү министрлиги кабарлады.

Ага ылайык, олимпиада 10–17-майда Орусиянын Сочи шаарында өтүп, дүйнөнүн ар кайсы өлкөлөрүнөн келген окуучулар катышты.

Окуучулар үч баскычта: теориялык, практикалык жана командалык долбоордук турлар боюнча күч сынашты. Кыргызстандын курама командасы жогорку даярдыкты көрсөтүп, 1 алтын, 3 күмүш жана 2 коло медаль жеңип алды. Мындан тышкары, командалык долбоордук турда 1-орунду ээлеп, алтын медаль менен сыйланышты.