Роналдунун уулу Португалия U-15 курамасында дебюттук голун киргизди (видео)

"Алтын топтун" беш жолку ээси Криштиану Роналдунун уулу Криштиану душ Сантуш Португалиянын 15 жашка чейинки курама командасы үчүн алгачкы голдорун киргизди.

Ал Хорватия курамасына каршы беттештин 13-мүнөтүндө гол киргизип, эсепти ачкан. Сантуш сол буту менен киргизген голун атасынын стилинде (секирүүдөн кийин колдорун эки тарапка жайып) белгилеген. 7 номур саны менен ойногон 14 жаштагы футболчу экинчи голун 43-мүнөттө киргизген.

Белгилей кетсек, 18-майда Хорватияда өткөн турнирде португалиялыктар үй ээлерин 3:2 эсебинде жеңип алышты.