Бишкекте 1-топтогу майып кызды 20 жаштагы жигит зордуктап кеткендиги айтылды

Бишкекте 1-топтогу майып кызды зордуктаган жигит кармалды. Бул тууралуу Ленин РИИБинин басма сөз кызматы билдирди.

Маалымдалгандай, 22-май саат 02:04 чамасында "102" кызматына кыздын апасы байланышка чыккан. Анда ал мүмкүнчүлүгү чектелген 2004-жылкы кызын чала таанышы зордуктап кеткендигин айткан.

Жерине барган тергөө тобу апасынан арыз алып, анын алкагында Кылмыш-жаза кодексинин 154-беренеси (Зордуктоо) менен кылмыш ишин козгоду.

Натыйжада 2004-жылы туулган К.Д. аттуу жаран кармалып, убактылуу кармоочу жайга киргизилди. Ал кызды алдоо жолу менен унаасына отургузуп, күч колдонгондугу аныкталды.

Учурда тергөө иштери жүрүүдө.