Бишкекте канча бүтүрүүчү мектепти аяктап жатканы айтылды 

Бишкек шаарындагы мектептерде бул жылы 9-классты 21 миң 637 окуучу жана 11-классты 10 миң 678 бүтүрүүчү аяктап жатат. Бул тууралуу калаа бийлиги бүгүн, 26-майда маалымдады.

Билдирүүгө ылайык, бүгүн өлкө аймактарындагы мектептерде окуу жылынын аякташына байланыштуу салтанаттуу линейкалар өттү.

Белгилей кетсек, калаада тиешелүү кызматтардын жооптуу өкүлдөрүнүн күнү-түнү нөөмөтү уюштурулган. Бул күнү коопсуздукту камсыздоо максатында коомдук жайларда рейддик иш-чаралар өткөрүлөт.

Маалымат үчүн: Өлкөдөгү мектептерде быйыл 11-классты 80 миң 540 окуучу аяктап жатат. Ал эми 9-классты 134 681 окуучу аяктоодо.