Ливерпулда унаа футбол күйөрмандарын сүзүп кетти (видео)

Англиянын Ливерпуль шаарында айдоочу жеңил унаа менен чогулган элди сүзүп кеткенин чет элдик басылмалар жазып чыгышты.

Окуя кечээ, 26-майда болгон. Кырсык катталган жер курчоого алынып, айдоочу кармалган. Бир нече адам жаракат алган, бирок азырынча так саны айтыла элек. Полиция иликтөө иштери жүрүп жатканын билдирген.

Окуя болгон жерден тартылган кадрлардан унаа "Ливерпуль" футбол клубунун Премьер-Лигадагы жеңишин майрамдап жаткан күйөрмандарды көздөй келип, аларды сүзүп кеткенин көрүүгө болот.