Кыргызстандык спортчулар Азия чемпиондугунда 7 медаль утушту

Өлкөнүн ушу-саньда боюнча улуттук курама командасынын мүчөлөрү Тажикстандын Худжант шаарында өткөн Азия чемпиондугунда 7 медаль жеңишти. Бул тууралуу Дене тарбия жана спорт мамлекеттик агенттиги билдирди.

Маалымдалгандай, мелдеш 16-20-май күндөрү өтүп, Кыргызстан, Казакстан, Тажикстан жана Түркмөнстандан келген 350дөн ашык спортчу катышты. Улуттук курама команда 3 алтын, 1 күмүш, 3 коло медаль тагынышты.

Алтын медалдын ээлери:

• 27 килограмм салмакта Зубайир Улугбеков;
• 30 килограмм салмакта Абубакир Салахитдинов;
• +100 килограмм салмакта Каримжон Балтабайев.

Күмүш медалдын ээлери:

• 60 килограмм салмакта Йылмаз Эмирбеков;

Коло медалдын ээлери:

• 65 килограмм салмакта Ахрор Хамракулов;
• 60 килограмм салмакта Дастан Каныбек уулу;
• 70 килограмм салмакта Мухаммед.

Курама команда машыктыруучулар Тагайбек Өмүржанов жана Немат Юсуповдун жетекчилиги алдында мелдешке катышты.