"25 миң сомго чейин чыгыптыр". Депутат жылуулук тарифи кескин көтөрүлүп жатканын сындады (видео)

Бүгүн, 28-майдагы Жогорку Кеңештин жыйынында депутат Нурланбек Азыгалиев жылуулук тарифинин көтөрүлүшүнө шаар тургундары каршы экенин айтты.

Ал былтыр Энергетика министрлиги тарабынан 80 чарчы метр батирлер үчүн жылуулук тарифи көтөрүлгөнүн эске салды.

"Биздин Энергетика министрлиги 80 чарчы метр батирде жашагандар бай деп ойлойт окшойт. Бишкек менен Ош шаары эле негизги критерий болуп саналбайт. Андан сырткары Кара-Балта, Токмок сыяктуу шаарлар бар. 80 чарчы метр деген 2-3 бөлмөлүү эле үй.

Мурун 5 миң сом төлөп жатышса, азыр 25 миң сомго чейин чыгып кетиптир. Эми "1-июндан баштап 30 пайыз көтөрүлөт" деп жатышат", - деди ал.