Сокулукта 8 жаштагы баланы унаа сүзүп качкандыгы айтылды (видео)

Чүй облусунун Сокулук районунда жеңил унаа кичинекей баланы сүзүп, айдоочу качып кетти. Бул туурасында Чүй облустук ЖКККБнын басма сөз кызматы билдирди.

Маалымдалгандай, кырсык 26-майда саат 07:50 чамаларында Сокулук айылынын Совет көчөсүндө орун алды. Белгисиз айдоочу 2017-жылы туулган жөө жүргүнчүнү сүзүп, окуя болгон жерден изин жашырып кеткен. Жаш бала окуядан кийин аймактык ооруканага жеткирилди.

Жол кырсыгына шектүү 1993-жылы туулган В.Е. кечээ, 27-майда кармалып, тергөө кызматына тапшырылды. Ал эми унаа айып короо жайына токтотулду.