Көлбаевдин классташы кармалып, кылмыш чөйрөсүнөн баш тартты (видео)

Уюшкан кылмыштуу топтун активдүү мүчөсү Н.Н. аттуу жаран кармалды. Бул тууралуу Улуттук коопсуздук мамлекеттик комитети билдирди.

Атайын кызмат кармалган жаран маркум Камчы Көлбаевдин классташы экенин жана анын тапшырмаларын аткарып келгенин белгиледи. Ал кылмыш чөйрөсүндө "Пипи" деген каймана аты менен белгилүү. 2007-2008-жылдар аралыгында Талас облусунун "положенеци" болгон. Убагында Кылмыш-жаза кодексинин "Денеге оор залал келтирүү" беренеси боюнча соттолгон.

УКМК ал уюшкан кылмыштуу топтун мүчөлүгүнөн толугу менен чыгып, жарандарды кылмыш дүйнөсүнүн жолуна түшпөөгө чакырып, кылмыш идеологиясынан баш тартканын кошумчалады.