Индия: Фабрикада катуу жарылуу болуп, эки кабат имарат урап калды (видео)

Индиянын Пенжаб штатындагы фабрикадагы жарылуудан кеминде 5 киши каза болуп, 34 киши жаракат алды.

Indian Express гезити жарылуу күчтүү болгондуктан ишкананын эки кабаттуу имараты урап калганын жазды. Окуя болгон жерде куткаруу иштери жүрүп жатат. Урандылардын астынан адамдар изделүүдө.

Бийлик каза болгондордун саны мындан дагы көбөйүшү мүмкүн экенин билдирди. Учурда кырсыктын келип чыгуу себептери такталууда.