ЖКда депутаттар Медет Садыркуловдун каза болушу боюнча чечим чыгарган эксперттердин тагдырына кызыгышты

"Ата Мекен" фракциясынын 14-декабрдагы жыйынында “Соттук-эксперттик иш жөнүндө” КРнын мыйзам долбоору талкууланды. Аталган мыйзам долбоорун Юстиция министри Алмамбет Шыкмаматов жактады. Жыйында депутаттар маркум Медет Садыркуловдун өлүмү боюнча соттук-экспертизада "Садыркулов авто кырсыктан каза болду" деп чечим чыгарып берген эксперттер жаза алган же албагандыгына кызыкты. Буга Юстиция министри Алмамбет Шыкмаматов "менин маалыматым боюнча ал 2 эксперт боюнча кылмыш иши козголгон" деп жооп берди. Фракция лидери Өмүрбек Текебаев "ал кырсыкта унаа кокустуктан күйүп кеткен" деп чечим чыгарган эксперттердин иштөөгө моралдык укугу жок деди.