Аркан тартыш боюнча Кыргызстан чемпиондугу болуп өттү

Бишкекте 30-майда Кыргыз спортунун 100 жылдыгына карата аркан тартыш боюнча өлкө чемпиондугу болуп өттү. Иш-чара Каба уулу Кожомкул атындагы спорт ордосунда өткөнүн Дене тарбия жана спорт департаменти бүгүн, 1-июнда билдирди.

Мелдешке республиканын бардык аймактарынан келген спортчулар катышты. Жеңүүчүлөргө Спорттун олимпиадалык эмес түрлөрү боюнча дирекциясы тарабынан тиешелүү даражадагы диплом жана медалдар тапшырылды.

Жеңүүчү командалардын тизмеси: 680 килограмм (эркектер арасында):

• ПСН Чүй облусу;
• Нарын облусу;
• Бишкек Шумкар.

560 килограмм (кыз-келиндер арасында):

• Бишкек шумкар;
• Айкөл;
• Алмаз.

720 килограмм (эркектер арасында):

• Чүй облусу;
• Жалал-Абад Таш Көмүр;
• Бишкек шумкар.