УКМК Бишкекте аймактар аралык ынтымакка бүлүк салган жаранды кармады

Бишкекте аймактар аралык кастыкты козуткан жаран кармалды. Бул тууралуу бүгүн, 2-июнда УКМКнын маалымат борбору билдирди.

Маалымдалгандай, социалдык тармактарга мониторинг жүргүзүү боюнча жүргүзүлгөн иш-чаранын жүрүшүндө видеоматериал аныкталып, анда Т.Ж. аттуу жарандын аракеттеринде аймактар аралык кастыкты козутуу белгиси бар экендиги такталган.

Бул факт боюнча Кылмыш-жаза кодексинин 330-беренесинин 1-бөлүгү (Расалык, этностук, улуттук, диний региондор аралык кастыкты (жарашууну) козутуу) кылмыш иши козголду.

Учурда кармалган жаран Бишкек ШИИБинин убактылуу кармоочу жайына киргизилди. Тергөө уланууда.