Супер-Инфо
super.kg видео
Түркияда айт майрамынын урматына курмандык чалууда 14 миңден ашык адам жаракат алды
Түркияда Курман айт майрамынын биринчи күнүндө малды курмандыкка союуда жаракат алган 14 миңден ашуун адам медициналык жардамга кайрылды. Бул тууралуу өлкөнүн саламаттыкты сактоо министри Кемал Мемишоглу X социалдык тармагындагы баракчасында билдирди.
Анын айтымында, ооруканаларга 14 миң 372 жабырлануучу кайрылган. Анын ичинен Анкарада 1049 киши, Стамбулда 753, Коньяда 655, Газиантепте 634 жана Манисада 572 адам бар.
"Курмандык малды кесипкөй адистер союш керек. Курмандыкка мал соё элек жарандарыбызга бул маселеге көңүл бурууну эскертебиз", - деп жазган министр.
Мемишоглу бардык жабырлануучулардын тез сакайып кетишин каалады.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
15:17
2025-06-14
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.