Израил Madleen кемесиндеги активисттерди өз өлкөлөрүнө кайтарат

Израил бийлиги Газага гуманитардык жардам жеткирүүгө аракет кылган Madleen кемеси Израилге жиберилерин, кемедеги 12 активист өз өлкөлөрүнө кайтарыларын билдирди. Бул тууралуу чет элдик басылмалар жазып чыгышты.

Маалыматка ылайык, кеме Газа жээгинен 185 чакырым алыстыктан кармалган. Активисттер жаракат алышкан эмес. Министрлик активисттердин видеосун да жарыялады.

Кеме 1-июнда Италиянын Катания портунан чыккан жана анда төмөнкү белгилүү активисттер жана укук коргоочулар болгон:

• Рима Хассан – Европарламент депутаты (Франция)
• Ясемин Ажар – германиялык укук коргоочу
• Грета Тунберг – швециялык климат активисти
• Түркия, Бразилия, Испания, Нидерланд, Франция жана башка өлкөлөрдөн өкүлдөр.

Алар Израиль армиясы кийлигишсе, тынч жол менен аракет кыла турганын алдын ала билдиришкен.

Эске салсак, кечээ, 8-июнда Израиль Газа тилкесине багыт алган Madleen кемеcин токтоткон.