Бишкекке июлда жаңы 90 электробус келет  

Бүгүнкү күндө Бишкекте жаңы 30 электробус бар, дагы калган 90 даана электробус июль айынын башында келет. Бул тууралуу шаардык мэриядан билдирди.

Жаңыланган автобазалар электробустар үчүн атайын жабдылган биринчи комплекстүү инфраструктура.

“Алар экологиялык жактан таза жана үнөмдүү шаар транспортун өнүктүрүүгө салым кошот. Базалар заманбап талаптарга жооп берип, электробустарын тейлөө, кубаттоо жана техникалык кароодон өткөрүүгө бир жерден мүмкүнчүлүк түзүлөт”, - деп берилет маалыматта.

Бишкек шаарынын мэри Айбек Жунушалиев Депо-2нин аймагын реконструкциялоо иштери аяктагандан кийин текшерди.

Текшерүүнүн жүрүшүндө калаа башчысы кубаттоочу жайларды комплекстүү текшерүүнү тапшырды. Учурда Депо-2нин аймагында жайгашкан имараттарды оңдоо иштери уланууда.