Бишкекте 61 жаштагы Алтын Эрматова дайынсыз болууда

Бишкектин Ленин райондук милициясы 61 жаштагы Алтын Эрматова дайынсыз болуп, изделип жатканын билдирди.

Агасынын айтымында, ал 8-июнда саат 9:00 чамасында Арзамас көчөсүндөгү үйүнөн чыгып кеткен боюнча кайтып барган эмес.

Белгилери: бою 170 сантиметр, арыкчырай дене түзүлүштө, чачы, көзү кара, кырдач мурун.

Кийген кийимдери: кочкул көк түстөгү көйнөк, ак туфли, башында күрөң жоолук.

Өзгөчө белгилери: эс тутуму начар.

Жогорудагы жаран тууралуу маалымат билгендер төмөнкү номерлерге кайрылса болот: (0312) 35-29-47, (0312) 35-26-71, 0702 80 80 23, 0707 14 34 71.