Кара-Кулжадагы келиндин өлүмү: Аялды күйөөсү токмоктоп жүргөнү айтылды (видео)

Кара-Кулажада күйөөсүнүн колунан каза тапкан келин жолдошу тарабынан ур-токмокко алынып келген. Бул тууралуу юрист Шердор Абдыкапаров журналист Нурлан Мирзаматовго берген маегинде билдирди.

"Шектүүнүн жакын санаалаштарынын айтымында, Сай айылында Төш деген тоо бар. "Ошол тоодон ат менен жылаңаяк кубалап, сабап түшкөн күндөрү болгон" деп жатышат. Анан "башында гематомалар болгон" деп жүрүшөт", - деди юрист.

Ошондой эле ал маркумдун тууганы менен кошунасы айтып берген маалыматтарга токтолуп, шектүү жубайын колго атканын билдирди.