Израиль Иранга сокку урушу мүмкүн

Жакынкы күндөрү Израиль Иранда аскердик операция башташы мүмкүн. Бул тууралуу чет элдик басылмалар жазышууда.

Мамлекеттер жарандарын сак болууга чакырышууда.

Буга чейин Жакынкы Чыгыштагы бардык америкалык аскер базалары толук күжүрмөн даярдыкка келтирилгени айтылган. Пентагон сүйлөшүүлөрдөн натыйжа чыкпаса, Иран жооп кайтарышы мүмкүн деп болжолдоодо.

Ала арада АКШнын Ирактагы элчилиги дипломатиялык кызматкерлерин эвакуациялоого шашылып жатат. Ошондой эле АКШ өкмөтү Кувейттен өз кызматкерлерин алып чыгып кетүүгө даярданууда.