Эл аралык көргөзмөгө катышуу үчүн чыгармачылык иштерди тандоо башталды

Эл аралык кол өнөрчүлүк биенналесине катышуу үчүн чыгармачылык иштерди тандоо жараяны башталды. Бул тууралуу бүгүн, 14-июнда Маданият, маалымат, спорт жана жаштар саясаты министрлигинен билдиришти.

"Министрликтин жана өнөктөштөрдүн колдоосу менен 4-сентябрдан 4-ноябрга чейин Түштүк Кореянын Чхонджу шаарында өтө турган Cheongju Craft Biennale көргөзмөсүнө катышуу үчүн кол өнөрчүлөрдүн жана сүрөтчүлөрдүн арасында чыгармачылык иштерди тандоо жараянын башталды", - деп айтылат маалыматта.

Тандоо критерийлери жана талаптар:

- Концептуалдуу чыгармачылык иш (ала кийиз, шырдак, панно, кийим, интерьер буюмдары жана башка);

- Кийиз же жүн материалдарын колдонуу;

- Табигый түстөр же боёктор колдонулган болуусу;

- Чыгарманын сапаттуу сүрөтү;

- Атайын түшүндүрмө (аннотация);

- Өлчөмү жана салмагы көрсөтүлүшү шарт.

Ал эми иштерди тапшыруу бүгүндөн башталып, 25-июнга чейин уланат.

Өтүнмөлөр жана материалдар үчүн почта: crafts.council.kg@gmail.com

Байланыш үчүн телефон:

Миррахим Опош +996771458549 (WhatsApp, Telegram)

Нурзат Жээнбек +996555542525 (Telegram)