Пакистан Иран менен чек арасын белгисиз мөөнөткө жапты (видео)

Пакистан Жакынкы Чыгыштагы кырдаалдын курчушуна байланыштуу Иран менен чек арасын белгисиз мөөнөткө жаап жатканын Dawn маалымат порталы жазып чыкты.

"Иран менен чек араны жабуу чечими Израилдин чабуулдарынан түзүлгөн туруксуз кырдаалдан улам коопсуздук максатында кабыл алынды",- деп келтирет портал атын атабаган расмий өкүлдүн сөзүн.

Чек ара бекеттери жекшемби күнү жабыла баштаган. Портал Иран менен Пакистанды 905 чакырымдык чек ара бөлүп турганын белгилейт.

Эске салсак, 13-июнга караган түнү Израил Иранга массалык сокку урган. Операциянын максаты Тегерандын өзөктүк программа боюнча ишин үзгүлтүккө учуратуу болгон. Буга жооп кылып иран тарап Израилдин аймагына сокку урган.