Садыр Жапаров Улуттук илимдер академиясы боюнча мыйзамга кол койду

Президент Садыр Жапаров “Кыргыз Республикасынын Улуттук илимдер академиясы жөнүндө” мыйзамга кол койду. Бул тууралуу бүгүн, 17-июнда президенттин маалымат кызматынан билдиришти.

Мыйзам 30-апрелде Жогорку Кеңеш тарабынан кабыл алынган.

Кабыл алынган Мыйзам менен төмөнкүлөр каралган:

– Улуттук илимдер академиясынын укуктук статусу, ишинин максаттары, негизги милдеттери жана функциялары;

– Улуттук илимдер академиясынын мамлекеттик органдар, жергиликтүү өз алдынча башкаруу органдары менен өз ара мамилелеринин тартиби;

– Улуттук илимдер академиясынын башкаруу органдары жана мекемелери тууралуу жоболор;

– Улуттук илимдер академиясын каржылоо жана мүлкү тууралуу жоболор;

– Улуттук илимдер академиясынын кызматкерлеринин материалдык жана социалдык камсыздоо тууралуу жоболор.