Суу шалаакылыкты кечирбейт! Сууга түшүүдөгү коопсуздук эрежелерин билип алыңыз

Өзгөчө кырдаалдар министрлиги суу коопсуздук эрежелерин сактоого чакырат. Бир нече маанилүү эрежелер менен таанышып алыңыз.

• Сууга түшүүгө ылайыкташтырылбаган жана массалык эс алууга арналбаган жайлардагы суу объекттерине сууга түшүүгө болбойт. Алар: көлмөлөр, жасалма көлмөлөр, каналдар, дарыялар.
• Спирт ичимдиктерин ичүүгө жана сууга мас абалында түшүүгө болбойт.
• Сууга чумкуганга, секиргенге тыюу салынат деген жазуулары бар суу объекттерине сууга түшүүгө болбойт.
• Бассейн, дарыя, канал, көлмөлөрдүн жанында балдарды кароосуз калтырбагыла.
• Саздак, баткак жана балырлуу жерлерде сууга түшүүгө болбойт.
• Скутерлерге, парустуу, моторлуу кайыктарга, сууда көңүл ачуучу техникаларга сүзүп барууга тыюу салынат.

Эске тутуңуз! Суу шалаакылыкты кечирбейт. ӨКМ жарандарды сак болууга чакырат.