Касымалиев мамлекеттик жана муниципалдык кызматкерлерди кесиптик майрамы менен куттуктады

Бүгүн, 23-июнда министрлер кабинетинин төрагасы Адылбек Касымалиев мамлекеттик жана муниципалдык кызматкерлерди кесиптик майрамы менен куттуктады.

Анын айтымында, 2021-жылдын 5-майында Конституциясынын жаңы редакциясын кабыл алуу менен мамлекеттик жана муниципалдык кызматтын ролун жана маанисин олуттуу жогорулады.

"Мамлекет көмүскө экономиканы кескин кыскартып, криминалдын бардык түрүнө, анын ичинде биринчи кезекте коррупцияга каршы катаал күрөш жүргүзүү менен улуттук кирешени кайра бөлүштүрүү боюнча өзүнүн функцияларын чындап аткара баштады.

Тарыхый мааниге ээ болгон өзгөртүүлөрдүн бири административдик-аймактык реформа болду. Анын алкагында айыл аймактары ирилешти жана шаарлардын аймактары кеңейди. Бул реформа мамлекеттик жана муниципалдык башкаруунун натыйжалуулугун жогорулатууга багытталган. Ошону менен бирге региондордун инфраструктурасын өнүктүрүүгө жүздөгөн миллион сомдон миллиард сомго чейинки олуттуу финансылык жардам берилди.

Мамлекеттик жана муниципалдык кызматтын реформасынын дагы бир маанилүү багыты санариптештирүүнү документ жүгүртүүдө, калкка мамлекеттик кызмат көрсөтүүдө жана бюрократиядан арылууда пайдалануу болду. Зарыл маалымкаттарды берүү мөөнөтү кыскарды бир нече күндүн ордуна азыр бир нече сааттан бир нече секундга чейин убакыт талап кылынат",- деп белгиледи төрага.

Касымалиев майрамды утурлайм мамлекеттик жана муниципалдык кызматкерлерге ак ниет кызматтары үчүн ыраазычылык билдирди.