Алайда өрттөн кошуналарын сактап калган жаран сыйланды (видео)

13-июнда Алай районунун Гүлчө айылында катталган өрттөн бир нече адамды, анын ичинен жаш балдарды куткарып чыккан Улукбек Меңдибай уулу сыйланды. Бул тууралуу ӨКМдин Ош облусу боюнча башкармалыгы кабарлады.

Маалым болгондой, ал өз жанын тобокелге салып, уктап жаткан адамдарды ойготуп, аялдар менен жаш балдарды коопсуз жерге алып чыгып, бир нече адамдын өмүрүн сактап калды. Анын мындай кайратмандыгы эске алынып, башкармалык тарабынан Ардак грамота жана белектерди тапшырылды.

Белгиленгендей, аталган өрттөн бир аялдын өмүрү кыйылды.