"Бакиевдер да түбүмө жеткен эмес". Жол талашкан айдоочулардын чатагы (видео)

Интернет желесинде эки айдоочунун жол талашып кайым айтышкан видеосу тарап, коомчулуктун кызуу талкуусуна түштү.

Видеодо алардын бири карама-каршы тилкеге чыгып алып, өз жолу менен келе жаткан айдоочуну коркутканын байкоого болот. Тойота унаасындагы айдоочу оозго алгыс сөздөр менен сөгүнүп, берки айдоочу жол бербей койгон учурда таш менен унаасынын терезесин талкалап салган. Ошондой эле эки айдоочу кайым айтышып, коркутууга алган жаран "Бакиевдер да түбүмө жеткен эмес" деп, ага милициянын да күчү жетпестигин айтты. Ал бир нече ирет "мен басмачымын" деп билдирди.

Окуя кайсыл жерде орун алгандыгы азырынча белгисиз. Учурда расмий органдар да бул боюнча маалымат берише элек.