Катар Ирандын соккуларына жооп берүү укугун сактайт

Катар Ирандын өлкөдөгү америкалык Аль-Удейд аскердик аба базасына жасаган соккусуна жооп берүү укугун жокко чыгарбайт. Бул тууралуу Катардын Тышкы иштер министрлигинин расмий өкүлү Маджид бен Мухаммед аль-Ансари билдирди.

"Биз Катар мамлекетинин бул күч колдонууга жооп берүү укугун сактап калганын тастыктайбыз. Бул жооп агрессиянын мүнөзүнө жана масштабына туура келиши керек жана эл аралык укукка ылайык жүргүзүлөт",- деп жазды ал X социалдык тармагында.

Аль-Удейд базасынын кызматкерлери алдын ала эвакуацияланганын жана сокку учурунда эч ким жабыркабаганын кошумчалады.

Эскерте кетсек, буга чейин Иран Катардагы америкалык аскердик базаны "Жеңиш кабары" деген операция менен соккулаганы белгилүү болгон.