Супер-Инфо
super.kg видео
Министр Нурдан Орунтаев Нарын облусундагы курулуштар боюнча жеке пикирин билдирди.
"Бүгүн социалдык тармактарда Нарын облусу каралбай калды деген пикирлер боюнча жеке оюмду айтууну туура көрдүм. Эске салсам 1991-жылдан баштап 2020-жылга чейин Курулуш министрлиги тарабынан капиталдык салымдар беренеси боюнча болгону 83 объекттин курулушу жана капиталдык оңдоо иштери жүргүзүлгөн.
2021-2024-жылдары президенттин тапшырмасы менен 3,6 миллиард сом сарпталып, 65 жаңы курулуш объекттери бүткөрүлгөн. Ал эми 2025-жылга карата республикалык бюджеттен Нарын облусундагы социалдык объекттерди куруу жана капиталдык оңдоп-түзөөдөн өткөрүү боюнча бүгүнкү күндө 92 объектиге 921 миллион сом бөлүнүп берилип, жумуштар жүргүзүлүүдө. Бул сумма 6 айдын гана жыйынтыгы.
Анын ичинде: Курулуп жаткан - 11 мектеп, 12 бала бакча, 3 саламаттык сактоо, 1 маданият үйү, 1 спорттук комплекс жана 4 административдик имарат бар. Капиталдык оңдоодо – 24 мектеп, 3 бала бакча, 1 маданият уйу жана 1 спорт комплекси бар. Аталган ар бир объект урматтуу Садыр Жапаровдун жеке көзөмөлүндө турат жана Нарын облусу каралбай калды деген пикирге дал келбейт",- деди Орунтаев.
