Бишкекте 5 айда коомдук унаанын 733 айдоочусу жумуштан алынды

"Бишкек шаардык транспорт" ишканасында автобус айдоочулары катышкан жыйын өттү. Бул тууралуу 23-июнда мэрия билдирди.

Жыйынга Бишкек шаарынын патрулдук милиция башкармалыгынын өкүлдөрү жана ишкананын кызматкерлери катышты. Рейддик иш-чаралардын жыйынтыгы жана тартип комиссияларынын чечимдери тууралуу маалымат берилди.

2025-жылдын 1-январынан 18-июнуна чейин тартип комиссияларынын чечимдеринин негизинде:
• 404 айдоочу сый акыдан ажыратылып, аларга сөгүш берилген;
• 733 айдоочу жумуштан алынган жана кара тизмеге киргизилип, мындан ары муниципалдык транспорт тармагында иштөө мүмкүнчүлүгүнө ээ эмес.

Жыйын соңунда айдоочулардын жол эрежелерин сакташына көзөмөлдү күчөтүү тапшырмасы берилди.