Италияда дүйнөдөгү эң ичке автоунаа жасалды (видео)

Италиялык жаран дүйнөдөгү эң ичке автоунааны жасады. Бул тууралуу чет элдик басылмалар жазышууда.

Маалым болгондой, унаа Fiat Panda үлгүсүнүн негизинде жасалган.

"Бул унаа жөн гана концепт эмес, толук иштеген прототип. Ал бензин менен иштейт, болгону бир фарасы, бир отургучу бар, керектүү бөлүктөрү минималдуу. Терезелери жабылбайт, анткени колдорду коюуга орун жок. Эгер айдоочу толук болсо, салонго батпайт. Анткени унаанын туурасы болгону 80 сантиметрди түзөт",- деп айтылат маалыматта.

Бул өзгөчө унаанын видеолору социалдык тармактарда тез эле тараган. Видеодон эң ичке унаа Италия көчөлөрүндө эркин жүргөнүн, тургундардын ар кандай реакцияларын көрүүгө болот.