"Атамда армян каны бар". Филипп Киркоров Армениянын өкмөт башчысы Пашинянга кайрылды (видео)

Белгилүү орусиялык ырчы Филипп Киркоров Армениянын премьер-министри Никол Пашинянга ал өлкөдө миллиардер Самвел Карапетяндын камакка алынышына жана бийликтин армян чиркөөсүнө кол салууларына байланыштуу кайрылуу жасады.

Ал социалдык тармактагы баракчасына жарыялаган видео кайрылуусунда Болгарияда төрөлгөнүн айтып, "атамда армян каны бар. Апам мага цыган, орус, француз жана еврей канын берди" деп баштайт. Андан соң ырчы Карапетян досу экенин белгилеп, сөзүн улайт.

"Ал эң байыркы чиркөөнүн, армян апостолдук чиркөөсүнүн өкүлдөрүн куугунтуктоого байланыштуу тынчсыздануусун билдирди. Эми биздин досубуз абсурд жана ашынган айыптар менен түрмөгө камалды. Бул нерсе чиркөөгө байланыштуу болгондуктан премьер-министр Пашинянга эскертип кетким келет. Ал ар дайым өз мекенине болгон камкордук жана сүйүү менен мамиле кылган. Ал өзүнүн тарыхый мекенинде бир нече жолу жеке жана каржылык жактан маанилүү долбоорлорду колдогон, эч качан саясий лагерге кошулуу ниетин билдирген эмес", - деди Киркоров.